XX. mendeko Euskararen Corpus estatistikoa

Testuingurua

Zabal besoak zabalik, zabal eta luza:
Izar dirdirez goitiko Jaunak zabal beza,
Zabal, hedaraz, kraskaraz zu baitan bihotza.

Besoak zabal emazu daukazun guzia
Zure bizian sar dadin Jaunaren bizia,
Zure itzalez bertzetan zeruko Argia.

Besoak zabal egizu Jaunaren nahia:
Zorion erein-beharrez guziak balia,
Gau-intziretan jauz-araz zeruko irria.

Besoak zabal joan bethi, ez bizi erdizka.

Muga, neurriak khen-zkitzu eta trufak oinka.

Besoak zabal-zabalik Mundura besarka.

Zabal besoak gauez-gau, zabal eta luza:
Izar dirdirez goitiko Jaunarekin mintza.

Jaunaren lagun hartzazu nere Amets gaitza,
Zeruko hatsak bethea, ilhunbeak haiza.

Zabal besoak zabalki, zabal eta luza:
Egizu beso zabalen bethiko agintza.